Ezaugarriak

Horia: hizkera eredua lekukotua
Urdina: hizkera eredua ez da lekukotzen

(1) Baloia botaten dot
(2) Basua urez betetan dot
(3) Kantetan dot
(4) kantaten dot
(5) apurtuten dot
(6) haserraketan da
(7) etxean egoiten naiz

iii. Aspektua

Eredu orokorra. Forma analitiko burutugabeetan azaltzen den atzizkia -ten edo -tzen da (te/tze nominalizatzailea + -n inesibo marka gisa zatikatu ohi dena). Partizipioa -n-z  edo [s, z, ts, tz]i-z amaitzen denean, -ten azaltzen da forma burutugabean, eta, beste kasuetan, -tzen.

Hizkera eredua 1. Hizkera batzuetan, -ten da burutugabearen atzizkia partizipioa  -a, -e, -o, -gi, -ki eta -[l, n, r]i-z amaitzen denean (bota --> botaten, bete --> beteten, jo --> joten, jagi --> jagiten, euki --> eukiten, ibili --> ibilten, ipini --> ipinten, ekarri --> ekarten).

(1)	Baloia	botaten	dot
	baloia.ABS	bota.IPFV	(3ABS).edun.1SG.ERG

Hizkera eredua 2. Hizkera batzuetan, -a eta -e-z amaitzen diren partizipioek -etan atzizkia hartzen dute forma burutugabean.

(2)	Basua	urez	betetan	dot
	basoa.ABS	ur.INS	bete.IPFV	(3ABS).edun.1SG.ERG

Hizkera eredua 3. Hizkera batzuetan, -etan da burutugabeko atzizkia partizipioa -au-rekin amaitzen denean: kantau --> kantetan.

(3)	Kantetan	dot
	kanta.IPFV	(3ABS).edun.1SG.ERG

Hizkera eredua 4. Hizkera batzuetan, zaharragoa den -ten marka da burutugabeko atzizkia partizipioa -au-z amaitzen denean: kantau --> kantaten.

(4)	Kantaten	dot
	kanta.IPFV	(3ABS).edun.1SG.ERG

4 hizkera ereduaren berri non: Bizkaiko ipar-sartaldean eta kostaldeko hizkera guztietan.

Hizkera eredua 5. Patizipio marka -tu, -atu, -itu eta -idu denean, -tuten da burutugabeko atzizkia (apurtu --> apurtuten, konturatu --> konturatuten, garbitu --> garbituten, entendidu --> entendituten).

(5)	Apurtuten	dot
	apur.IPFV	(3ABS).edun.1SG.ERG

1, 2, 3 eta 5 hizkera ereduen berri non:  mendebaldeko hizkeretan.

Hizkera eredua 6. Hizkera batzuetan, -tzen beharrean, -ketan da burutugabeko atzizkia aditz batzuekin (-atu eta -tu partizipio marka hartzen duten aditzekin, aditzoina -n-z amaitzen bada), eta itxuraz, indar handiagoz aditza eratorria denean (Erostarbe 1994). -Keta atzizki nominalizatzailea da, ekintza izenak eta ugaritasuna adierazten duten izenak sortzeko erabiltzen dena (zezen-keta, jende-keta) (Trask 1996).

(6)	Haserraketan	da
	haserre.IPFV	(3ABS).izan

6 hizkera ereduaren berri non: mendebaldeko hizkera batzuetan (esaterako, Arrasaten eta Oñatin).

Hizkera eredua 7: Hizkera batzuetan, -iten da burutugabeko atzizkia (egoiten, emaiten, eramaiten).

(7)	Etxean	egoiten	naiz
	etxea.INE	egon.IPFV	1SG.ABS.izan

7 hizkera ereduaren berri non: ipar-ekialdeko hizkeretan eta Nafarroako ipar-mendebaldeko hizkera batzuetan.

Kapitulua: Aspektua

Gako-hitzak: aspektua, burutugabea, inesiboa, nominalizazioa